Bi hoarta pan haai!
Hojar da seen biani lait as nouch tuanant manan da bisn honz niit asou laichta ckoot bal is beitar ganua hott cirt in gonzn sumar. Pan eigart honanza is maista gamuast hivl bals obla hott chreink unt, schuan in avoscht, aniga hont pan gruamat oncheipt. Joarn hintar, noochn Vrautoo, da lait sent gongan manan afta hoachn pearga, aus pan schtala unt in setembar honanza bidar herumpn oncheipt pan gruamat. Dosto groos bozzt niit asou hoach abia is eigart ovar hott vaneatn va viil suna richti zan deern. Vriar asa ols hont gatonan mittar chroft van earma senanza lengar pliim, honanza is haai richti gamocht, in haint mitt ola da chamoutickaitn schaunksa ols verti zan mochn in biani zait. Houfmar laai as ola ganua eigart hont gamocht bal, men is beitar asou baitar sghnablt, in bintar da chia vreisnt biani gruamat.
|
|
