Da tischlbongara cholendar virn 2010, van Cirkul Kultural “G. Unfer” as is gamocht aa min hilf van chricht 4/99 Region Vriaul, reit van schtala as in Oubaraut senant, aniga paholtnzi nouch guat unt aniga sent gonz zomm pfoln. Semaufn is viil schian, ols schtila unt, memar vir aan bailalan zua tuat da aun, chimp viir hintar zan gianan in da zait unt seachn is hoartiga leim va dein lait a chua zan ckoltn unt is pisl haai zan richtn virn bintar. Avn hintarn platlan var cholendar sent boarn gazickn bomar ungefeer dein schtala meik pacheman mitt an pislan gadult unt lust semaufn zan gianan umar treitn. Abia anias joar, is da Velia van Ganz as ausar suacht va boos zan rein unt tuat ainviarn da cholendar, da piltar senant var Laura van Ganz unt Elio Di Vora, gadruckt in da Druckarai “Cortolezzis” va Paluc. Mendis noor belt hoom a cholendar meikisa varlongan in Cirkul Kultural va Tischlbong, odar schickz an e-mail dar Alessandra van Polak avn Schportel van tischlbongarisch.
|
|
