In pfinsti indarvria, 14 fevraar, saimar ola auf ctonan in da glaicha schtunt. Um viara unt ochzachn minutn, nooch sezzazbanzk joar, da earda hott bidar veist citat. Saina chroft is va simm graaz gabeisn var "Scala Mercalli" unt saina schtercknmitn is gabeisn avn pearg as Sernio hast, zuachn Kroi. Den schitar honza cheart in da gonza Cjargna, in Vriaul, in da Sghlavania unt in Eztraich. Panuns da lait sent auf cprungan van peitn, aniga sent in da haisar pliim unt aniga sent ausar gloufn afta beiga. Polda ola hont in groasn rumplar aa cheart as noor in schitar hott procht. In seen binzin bailalan hottmar nizz cheart, ols schtila, darnooch da hinta hont onckeipt zan ckoln, da veigl zan bischpl, da hoon zan chranan, is ols a lermach gabeisn. Goot sai donck as nizz is passiart in lait odar in haisar laai, vir ola, a groasar unt umvargeisndar schrock.

www.taicinvriaul.org


< Torna alla pagina di febbraio