Une iniziative di "Chei di Somavile"

Cuatri-cinc gjovins di Somavile, coadiuvâz da cualchi pâri, ai an decidût di fâ stampâ da tipografie Cortolezzis la stories che Alfio al à metût adum, pocât in chest lavôr da amîs e vecjos compagns di scuele, come Dario e Dino, c’ai volevin fissâ in alc di scrit il mont di 40-50 agns fa. Ce c’al è vignût fûr al samê alc di indovinât. L’autôr al scrîf in ta sô presentazion:
"In queste pagine sono raccolte le sensazioni, le suggestioni, le emozioni che la Carnia di mezzo secolo fa ha saputo suscitare e poi imprimere nel cuore e nella memoria. Rivivono qui, in una singolare galleria, personaggi umilissimi, alcuni dei quali confinati ai margini della società di allora; personaggi che non hanno fatto la Storia, che sono passati senza lasciare traccia; personaggi che non hanno epigrafi o ritratti e neppure fotografie. Tanti non hanno più neanche la lapide in cimitero: soffio di vento. Personaggi però che riaffiorano prepotentemente nella memoria di chi li ha conosciuti, non appena ne viene pronunciato il nome, che evoca immediatamente altri tempi ed altra atmosfera e suscita sempre affetto e spontanea simpatia, venata di rimpianti".
And’è un grum di chesc personagjos in chest librut di Alfio: Centovento, Bubale, Jacun di Cristof, Gjani dal Germelin ecc. c’ai torni cusì a rivivi come tirâz fûr da memorie. Ce c’al’è biel incjemò ai son i disegns di Alfio das cjases di Somavile c’a no son âti e che a tornin cusì a materializâsci sot i nostis vôi: ben 14 cjases di une volte a sci podin jodi in chestes pagjines, cjases che come c’al dîs l’autôr "troppo affrettatamente e forse anche troppo improvvidamente, sono state demolite nel secolo scorso, insieme a lavadôrs e fontanes, lindes e volz".
Tal ultim ai vegnin ripuartâz i nons das Famês di une volte, i Lûcs di une volte, i Mangjâs di une volte, i Giûcs di une volte, las Peraules di une volte e dutes chestes novitâz as judin un grum a riprendi il fîl di une storie c’a riscje di sparî. Come cuviertine, al ven ufiert il Lunari pal 2002 che, in ta idèe grafiche di Andrea, al riprent il motîf das cjases vecjes di Somavile che cusì as restin sot il vouli dut l’an. Chest librut di Alfio al podares rapresentâ par nou la prime tape di un percors culturâl che magari, cul sostêgno dai "Gjovins di Chenti" o dal "Circul Culturâl Enfretors", a si podares svilupâ prosimamenti cun âtes iniziatives analoghes, par rivâ cusì a ofrî al turist o al vilegjant ma encje a noste int, oltre che polente e frico, encje alc âti: la noste storie e il nosti jessi di îr e di voi.
Presentazion a Somavile: sabide 22 di dicembar as 5.30 di sere.

(da San Danêl - Bollettino Parrocchiale di Paluzza, dicembre 2001, nr. 13)


< Torna alla pagina di dicembre