Un sît pai todescs dal Friûl (www.taicinvriaul.org ) I Todescs dal Friûl a an il lôr lûc internet. Al è “taicinvriaul.org”, curât dal Circul culturâl “G. Unfer” di Tischlbong / Tamau ancje in dite des comunitâts de Kanalthal/Val Cjanâl e di Zahre/Sauris. Webmaster dal sît al sarà il nestri soci Mauro Unfer. “Taic in Vriaul” al propon un grant excursus sui gjermanofons de regjon. Di ogni realtât a saran in rêt lis schedis cui aspiets lenghistics, storics, demografics, cu lis iniziativis culturâls, lis publicazions e lis ricjecis naturalistichis e artistichis. A saran prontadis ancje lis notis dai grops e dai circui culturâi impegnâts te valorizazion des lenghis locâls, des clapis sportivis e ricreativis. Il sît al podarà jessi visitât tant te version todescje che in chê des sengulis varietâts. A pro dai emigrants, i redatôrs a prontaran une rassegne stampe mirade setemanâl, “zaitinga schraimpt”, dulà che il navigadôr al podarà passâ i sfueis plui impuartants furlans e carintians. Ancje “la Patrie dal Friûl”, obviementri, e metarà a disposizion lis sôs informazions e il materiâl informatîf dal sît www.friul.net. La direzion eletroniche de gnove iniziative dai todescs dal Friûl e je: webmaster@taicinvriaul.org La Patrie dal Friûl < Torna alla pagina di agosto