| |
| Dar Flavio |
Dar Flavio van Galo
schteat vria auf,
ovar in da vlaischponck
pachimpmarin polda nia.
Gearn homarin bool
ovar memarin praucht
hiin und entn muasmarin suachn, riafn
odar boartn voratiir
asar va Chlalach hintar chimpt.
Ear is President,
doos beisnz ausbendi goar da schtana,
min mandar, min jungan reitar lai var chugl,
goar saina Silva
beartar niit asou eiftar
in ckopf hoom.
Ibarool isar gachent,
da vreman sentuns naidi balmar aseitan
pravn vlaischhockar hoom
as ckont guata varhachara,
birschtlan, schultar mochn.
Da churiousickait valtin niit,
mensin onriafnt plauschtar gearn
asar goar vargist sai ceft.
Asou is dar Flavio gamocht,
unt bezzl tuatar sichar niamar,
mendar sicht asmar enzi saim
sinkar ans auf asmar schtila
scholatn plaim.
Memar bidar in da metzgarai geam
tuamarsi niit vargeisn mita zan neman
an sock gadult,
sizzmar nidar avn schtual
unt boartmarin,
mens guat geat
vir a holba schtunt. |
|
|