| |
| Da Evelina |
Schian riablichar oum in Velt
plaipt da Evelina
as noor pan venstar ausn schaukt
nochanondar umin avn tuurn.
Sent schuan an haufa joarn
asa da meisnarin mocht
unt unsara drai chirchn
saubar hott.
Viil chindar hozza zeachn gapearn,
tafn, aufbozzn
unt ola a bia a muatar
hozza a pisl glockt,
oln hozza glearnt mear
glaubi unt moniarlich sain.
Ckaan hoachn sunti
lozza virpaai gianan
mensa nit in anian eika
var chircha schiana reaslan sicht.
Dar Herr Geiti is viil vroa
aseitana prava meisnarin
zuachn zan hoom.
Deiga is unsara Evelina,
a chlana schpasiga vrau
as gearn tuat lochn
min vrainta unt min chamarootn.
Sii hott a hearza
groas a bia a bont
unt mensa aa in sain leim
mear a bia a mool schuan
hott glitn unt chreart,
memar vaneatn hoom
a guaz boart ckonzuns glaich
olabaila soong.
Cnochz, noch da meis,
geaza schian lonzn bidar haam
unt memarsa geat pasuachn
nor varschteatmar
bi viil peta asa van oltn zaitn hott.
Bartamool vliakar a zachar
virn sain dearflan,
sai Tischlbong asa
va hearzn asou gearn hott. |
|
|