| |
| Av aan toog |
Aniada mool asi alana schtudiar,
an haufa tischlbongar bartar lafnt
herndumin in main ckopf.
Aniada mool gadencki
af unsara eltarn
as oldarlai hont probiart,
lai mitt a schprooch
senza in da gonza belt gongan,
ibarool honzisa varschtoon
unt guat onganoman.
A groasa soochn mitt vraida
honzuns hintn glosn
ovar bearnt denacht nia hoom gamant
asmar asou zavoul saim,
asmar unsara burzn losn oodern,
asmar losn zavoln
deiga noatbendiga schprooch.
Afta beiga, in da haisar va Tischlbong
reitmar balisch, odar vriaulisch,
an haufa vrema bartar
as is plozz hont ctouln dar muatarschprooch.
A groasar cknopf
geat avn doo in main hols
zan seachn da chamoutickaitn va haintan
as ols hont zatelpart.
A puach beart lonzn, lonzn
zoma gatonan,
av anian platlan sent aufcriim
cichtn, bartar, soochn
van unsarn doarf,
a richtigar ondenck
vir ola da eltarn.
Av aan toog,
pini sichar,
asmar unsara burzn
bidar geam suachn
unt laii afta platlan va deng puach
bearmar bidar da meiglickait hoom
zan learnan rein
ona schonta
unsara schiana
tischlbongarschprooch. |
|
|