Hojar homars niit asou schian ckoot in unsarn doarf, viil eilatn, viil junga truung homar avn vraitouf oachn pfiart. Da greasasta eilant hottunsa dar Tullio van Paloni geim in seen 29 avoscht indarvria memar hoom gabist asin Goot hott ckoot chriaft. Rein van iin is a pisl hoarta bal dar sghmearz is groas. I gadenckmi mendar da Koprativa hott ckoot vir toula joarn, zoma mitt iin hott saina vrau da Bruna goarbatat unt saina sghbeistar da Erlina. Ear hott mitt ola cpast, men jamp vaneatn van a pfeilickait hott ckoot ear hozzi nia hintar gazouchn, men ans niit da meiglickait hott ckoot cbint zan zooln da choust, ear hott gackont boartn ona zan voadarn unt ankeink cheman in lait as hoarta hont gatoon. Mitt uns chindar hottar gearn ganorazt, viil mool, mendar is gongan aus troon da choust in doarf, hottaruns drauf afta maschiin unt mita ganoman. A memar leimti saim gabeisn ear hozzi nia darzirnt, naar obla cauk oo zan schualnuns in da richtiga moniar. Ear is niit laai gabeisn dar Tullio var Koprativa, ear is dar Tullio van doarf gabeisn asi nia hintar hott gazouchn men suntigis sent gabeisn ain zan viarn odar men an oarbat is gabeisn zan mochn. In sain gonzn leim a mool hottar af d’ondarn gadenckt noor, varlaicht, vir iin. Van Alpins va Tischlbong isar President gabeisn unt is ibarool gongan afta suntigis asa ibarn Balisch oo hont gamocht odar in Vriaul. In haus isar a guatar votar unt moon gabeisn as sain chindar unt saindar vrau nia nizz hott glosn vaaln. Sain lait muasmarsi zuachn hearn in deiga eilant paholtntar in gadonckn van seen moon as viil guatickaitn hott zaat in unsarn doarf. Vargelzgoot Tullio vir ols bostuns host geim, vir ols bosta vir uns host gatoon, helfuns baitar zan gianan min gaist as obla duu host ckoot in aniada pout.


< Torna agli articoli del n. 39