Iis niit laichta schraim, gadenckn an Gaistligar, unsarn guatn Gaistligar, dar Don Attilio Balbusso. Noch a monat a holbis schpitool, in monti 26 merz, mitt 71 joar isar ctoarm unt hottuns alana glosn. Verti dar glon zan laitn, a groasa eilant is ainchriisn in unsarn doarf, in unsara hearzn, goar dar himbl hott gazak sain sghmearz. Miar hoom niit laai aan Pforar varloarn, miar hoom varloarn an votar, an pruadar, an chamaroot as mitt ola hott gackont plaim, tischlbongara unt vrema. Ii, abia viil ondara junga van doarf, saim mitt iin auf gabozzn, mendar is cheman, voar zbazbanzk joar, saimar chindar gabeisn, saina mantalan as nia hont pfalt in da chircha. Ibarool bodar is gongan hottaruns mita ganoman, ibar Bain oachn, odar af Schunvelt, odar in da dearfar doo zuachn. In sumar saimar da alm gongan baichn, nia saimar lardar hamm cheman, vir uns hottar in hirtn ausar gapetlt da schoutn. Da vraitigis, mendar in da haisar is gongan schpaisn da oltn unt da chronchn, miar saim mitt iin gabeisn. Zan Oastarn da haisar baichn, miar saim mitt iin gabeisn. Anian nochmitoo saimar pan iin in haus gongan, seem hottaruns olabaila eipas darzeilt, noor hottaruns piachar geim zan leisnan unt darvoar ausar zan gianan van haus, voar a groasa schtaiga hottaruns mitt vraida saina veigalan gazak unt eipas va soian aa glearnt. Vir uns chindar unt junga hottar in sumar aufprocht da “Pesca di Beneficenza”, miar homin ckolfn da zeidalan auf roudl unt ols hear richtn. Bi viil mool hottaruns ckolst mitt sain groasn henta, bi viil mool unsara plernta zichtlan hottar cuischn saina groasa henta ckopp unt mitt an boart hottaruns bidar gamocht lochn. Mittar zait saimar gabozzn ovar miar homsi nia varloarn, ear hott van uns pfrok unt miar, in a noat, unt niit laai, saimin gongan suachn. Ear hottuns gearn ckoot abia memar sain baarn gabeisn unt miar homin gliapt abia an groasn votar. Ear is olabaila vroa gabeisn a mendar niamar chana chindar hott zeachn in da chircha, laai zan Bainachtn mendar pincn aus hott geim unt zan Oastarn da siasn taum, da see mool sent ola mantali gongan. Sai leim is niit laichta gabeisn, viil hantiga maivalan hottar oachn gamuast sghlintn unt glaich olabaila lochn mitt ola. Ear is caid gabeisn, trooi, an helar mearar in sock hottin cbint cbart. Ola homar van iin eipas ckoot, a guaz boart, an schenck, doos meimar niit vargeisn. Van iin meachati nouch viil rein ovar da eilant is groas unt is hoarta schraim anian gadonckn. Is 1978, mendar is cheman, doos hottmar olabaila ear darzeilt, in earschtn pagreims hottar in seen var Nutn van Iss gamocht, is earschta chint gataft, da Marianna van Egidio van Sock, da earschta hoasat, da Alessandra van Volantin. Veartn, darvoar zan darchronchn, in leistn pagreims, maindar noon da Elsa van Ganz, is leista chint gataft, bisamar hont zok, da Agar Del Bianco unt da leistn asar hott chaiartat, da Tania Casali unt in Claudio van Lecka. Hiaz homarin niamar, hiaz Tischlbong is laar unt reart an Pforar as golt beart is gabeisn, a glaichar beart niamar cheman in doarf. In Don Attilio sogi vargelzgoot vir ols bosar vir uns hott gatonan, schaugar av uns hiazan aa unt helfaruns in deiga hoartiga zait. Saina sghbeistar meimar aa niit vargeisn, jar muasmar aa zuachn plaim, vir jar is aa niit laichta hoom varloarn aseitan pruadar. Schaumar zan paholtn in gadonckn van Don Attilio asuns viil, viil beart vaaln, in ols.


< Torna agli articoli del n. 37