Dar Koro Teresina
Unfer ist gapoarn is otobarmonat van joar 1966 untar da laitung van
Don Paolo Verzegnassi as in da sen zaitn saina pflicht va Gaistilgar
af Tischlbong hot gamocht.
In onvong dar Koro hot lai ckirchn zancklan zungan, schpeitar, mit
voarsicht, hottar in sain programm aichngaton zancklan as mit varschiadana
kulturn hont ckot zan tuan, ovar dar Koro hott nia vargeisn saina
muatarsproch, saina lait unt saina tradizions.
Haint dar Koro is musikalisch gabozzn unt guat aingapildat, ear ist
gackent nit lai in Vriaul, ovar a in auslont. Ear is vil praf boarn
hailaga meinsn zan singan, peargzancklan unt schpaszancklan.
Sain learar Dario Scrignaro is hoiar zbanzk joar as ear tuat unsarn
Koro dirigiern, mit graosa vraida unt vil gadult.
Da singara as hiaz mitamochnt sent ochtazbanzk. Darvoar sent lai tischlbongara
gabeisn, hiaz ckemant a vil va ondara dearflan. Soi varsteant unsara
sproch niit, ovar soi sent schtolzi mit unsarn Koro baitar zan singan.
Hoiar sent vinvadraisk joar as dar koro singan tuat. Dar biln, dar
lust unt da vraida baitar zan gian nouch vir longa joarn valt niit,
unt miar houfn as unsar grenzkoro nouch viil ondara grenzn ibartreitn
ckont, mit saindar schproch, mit saindar kultur unt saina tradizions. |
![](../../../img-comuni/associazioni/coro/vecchi.jpg) |
|
1967, Timau - La vecchia cantoria a lezione.
Tischlbong 1967 - Da oltn singara mochnt schual. Va Links af
reachtz: dar Flavio van Galo, dar Bepi van Schullan, dar Dante
var Pooln, is Jakl van Kareta, dar Sghorc (Giorgetto) van Sappadin,
dar Erso van Krepp unt dar Niveo van Galo. |
|