| |
| Dar koro |
Is sezzaseachzka dar Don Paolo
hott unsarn koro auf procht,
muast a groasar sunti sain gabeisn
mensa is joar darnooch
voar ola da doarflait hont zungan.
Earschtar President
dar Lino van Futar
as niit hott ckoot is glick
zan seachn
da seng singara
asar mitt vraida
olabaila hott glisnt.
Polda in da gonza belt
senza gabeisn,
ona schonta honza
af unsara schprooch zungan
as ola scholatn is doarf ckenan.
Men dar Don Paolo
umin is gongan af Krooi,
in koro vir a baila
homar niamar cheart
ovar dar Dino van Jakumut
a bia President
iis ibarool herndumin gloufn
an nojan learar suachn
pis asar in Dario Scrignaro
hott darluzzt.
A pravar moon,
voula gadult
as anian pfinsti aufar geat
va Paluc
noja zanchlan learnan
unt zoma hoom
da singara va Tischlbong.
Vargeisn meimar niit
da Ivana var Pooln,
mensa is maul auf tuat
mochzuns va hearzn rearn
unt goar da maiar var chircha zitarn.
Draisk joar sent virpaai,
viil zichtar sent gabezzlt
ovar miar saim ola schtolzi
aseitan pravn koro zan hoom
asuns mitt vraida
viil lustiga hoacha suntigis schenckt. |
|
|